Җәмгыять 30 март 2010 10:22

Чаллыда шәһәр Советының 47 нче сессиясе уза

Сессия каравына шулай ук шәһәр Уставына үзгәрешләр, шәһәр урамнары һәм тыкрыкларының исемнәрен үзгәртүгә бәйле проектлар тапшырылачак

Скопировать ссылку

(Чаллы, 30 март, “Татар-информ”). Чаллы шәһәр Советы Президиумы карары нигезендә, 31 мартта шәһәр мэриясендә Чаллы шәһәр Советының 47 нче сессиясе узачак, дип хәбәр итә Автошәһәр мэриясенең матбугат хезмәте.
Депутатлар алдында 2009 елгы бюджет үтәлеше хакында фикер алышу һәм аны раслау, агымдагы ел бюджетына һәм муниципаль берәмлекнең бюджет процессы хакындагы нигезләмәләренә үзгәрешләр кертү бурычы тора.
Сессия каравына шулай ук шәһәр Уставына үзгәрешләр, шәһәр урамнары һәм тыкрыкларының исемнәрен үзгәртүгә бәйле проектлар тапшырылачак. Сессиянең көн тәртибенә чыгарылучы мәсьәләләр даими комиссия утырышларында тикшерелгән, Устав буенча ачык тыңлаулар үткәрелгән.

Сәхифәләр

Чаллыда шәһәр Советының 47 нче сессиясе уза