Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
^Чаллыда Сабан туе гүзәлен сайлыйлар
^Чаллыда Сабан туе гүзәлен сайлыйлар
(Казан, 31 март, “Татар-информ”, Люция Камалова). Чаллыда еллык “Сабантуй гүзәле” конкурсы башланды. Ул быел 13нче тапкыр үткәрелә. Бу вакыт эчендә бәйгедә 500дән артык кыз – югары һәм урта уку йортлары студентлары, шәһәрнең төрле учреждение һәм предприятиеләре хезмәткәрләре катнашты, дип хәбәр итә Чаллы мэриясе матбугат хезмәте.
Ай дәвамында бәйгедә катнашучылар белән профессиональ режиссерлар, сценографлар, хореографлар, вокалчылар, музыкантлар, чәчтарашлар, визажист һәм стилистлар эшләячәк. Алар жюри һәм тамашачыларга үзләренең визит карточкаларын һәм иҗади сәләтләрен тәкъдим итәчәк.
Конкурс финалы Сабантуй алдыннан Сара Садыйкова исемендәге концертлар залында татар эстрадасы йолдызлары һәм Казан кунаклары катнашында үтәчәк. Барлык гүзәл затларга да дипломнар һәм бүләкләр тапшырылачак, ә “Сабантуй гүзәле”нә исә туристлык юлламасы биреләчәк.
Кызыклы яңалыкларны күзәтеп бару өчен Телеграм-каналга язылыгыз