Чаллыда “Президент спорт уеннары" Бөтенроссия ярышлары башланды
Мәктәп укучылары баскетбол, җиңел атлетика, өстәл теннисы, шашка, гандбол, тег-регби, йөзү, лапта уеннары буенча ярышачак.
Скопировать ссылку
(Казан, 15 май, "Татар-информ"). Яр Чаллыда “Президент спорт уеннары" Бөтенроссия ярышларының республика этабы башланды. Бу турыда Татарстан Мәгариф һәм фән министрлыгы матбугат хезмәте хәбәр ите.
"Президент спорт уеннары" 15 – 17 май көннәрендә була. Мәктәп укучылары 3х3 баскетбол, җиңел атлетика, өстәл теннисы, шашка, гандбол, 5х5 тег-регби, йөзү, лапта уеннары буенча ярышачак.
Ярышларда Азнакай, Әлмәт, Актаныш, Бөгелмә, Алабуга, Лениногорск, Мамадыш, Түбән Кама, Саба, Теләче, Ютазы муниципаль районнарыннан, шулай ук Чаллы һәм Казаннан 13 команда катнаша. Барысы 250 кеше киләчәк.