Чаллыда микроавтобус җиңел машина белән бәрелешкән, өч кеше зыян күргән
Авария Тынычлык һәм Яшьлек проспектлары киселешендә килеп чыккан.
Скопировать ссылку
(Казан, 7 гыйнвар, «Татар-информ»). Чаллыда микроавтобус җиңел машина белән бәрелешкән вакытта ике өлкән кеше һәм бала зыян күргән. Бу хакта «Татар-информ» мәгълүмат агентлыгына авария шаһитлары хәбәр итте.
Шаһитлар мәгълүматы буенча, кичә көн уртасында Тынычлык һәм Яшьлек проспектлары кисешкән урында «Форд Транзит» микроавтобусы һәм «Хонда» җиңел машинасы бәрелешкән.
Юл-транспорт һәлакәте вакытында маршрут автобусында алты кеше булган. Авариядән соң хастаханәгә җиңел автомобиль йөртүчесен һәм микроавтобусның ике пассажирын озатканнар.
