Чаллыда «Мерседес» хуҗасы руль артында үлгән, аның автомобиле алты машинаны бәрдергән
Бүген иртән Шишкин бульварында күмәк юл-транспорт һәлакәте булган.
Скопировать ссылку
(Казан, 21 гыйнвар, «Татар-информ», Павел Климчак). Чаллыда машина йөртүче руль артында үлгән, аның автомобиле алты машинаны бәрдергән.
Юл-транспорт һәлакәте шаһитлары хәбәр итүенчә, бүген иртән Шишкин бульварында «Мерседес» парковкадагы берничә җиңел машинаны бәрдергән.
«Мерседес» шоферын автомобиль салонында үле килеш табып алганнар. Ир-атның, мөгаен, йөрәге туктагандыр, шуннан соң аның машинасы автомобильләргә барып бәрелгән.
Юл-транспорт һәлакәтендә алты машина кузовына төрле зыян килгән. «Мерседес» шоферыннан тыш, зыян күрүче булмаган.
