Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда мөселман егетләре бил алышачак
Ә җиңүче командага ҮДО – Татарстан мөселманнары Диния нәзарәте кубогы бирелә.
(Чаллы, 21 март, "Татар-информ", "Шәһри Чаллы", Мирһади Разов). Чаллыда мөселман яшьләренең татарча бил алышу һәм кул көрәше буенча X Берләштерелгән Республика ачык турниры узачак, дип яза җирле басма.
Ул 7 апрельдә "Витязь" спорткомплексында була. Турнирда фәкать намаз укучылар гына катнаша ала. Шуңа күрә көрәшчеләр башта намаз гыйбадәтен белү буенча әңгәмә узалар. Турнир ахырында үз төркемнәрендә җиңүчеләр арасында шобага салу уздырыла һәм анда отучы турнирның иң олы бүләге - Олуг хаҗга Юллама белән бүләкләнә. Былтыр мондый бәхет Түбән Кама вәкиле, 70 кг. кадәр үлчәүдә кул көрәше буенча чемпион булган Илгиз Нәфыйковка елмайды. Ә калган җиңүчеләргә дипломнар һәм акчалата призлар тапшырылды.
Ә җиңүче командага ҮДО – Татарстан мөселманнары Диния нәзарәте кубогы бирелә.
Былтыр бу мәртәбәле бәйгеләрдә: бил алышуда һәм кул көрәшендә җөмһүриятебезнең 19 шәһәр районыннан һәм Башкортостанның Октябрьский шәһәреннән, Балтач районыннан 103 мөселман спортчысы, шул исәптән танылган 17 спорт мастеры һәм спорт мастерлыгына кандидат көч сынашты. Былтыр төп приз –кубокны Чаллы командасы яулады. .
Кызыклы яңалыкларны күзәтеп бару өчен Телеграм-каналга язылыгыз