Хәвеф-хәтәр 27 август 2018 09:52

Чаллыда коткаручылар торак йорт түбәсеннән ике баланы төшергән

10 һәм 11 яшьлек ике малай Гайдар тыкрыгындагы 20нче йорт түбәсендә урнашкан җылылык пункты янында уйнаган.

Скопировать ссылку

(Казан, 27 август, «Татар-информ»). Чаллыда коткаручылар торак йорт түбәсеннән ике баланы төшергән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Кичә 112 бердәм номерына ике малайның Гайдар тыкрыгындагы 20нче йорт түбәсендә урнашкан җылылык пункты янында йөрүе хакында хәбәр килгән.

6нчы зона эзләү-коткару отряды хезмәткәрләре өлкәннәрдән качкан балаларны вентиляция шахтасында эзләп тапкан.

10 һәм 11 яшьлек ике малайны түбәдән төшереп, полицейскийларга тапшырганнар.

#Полиция

Сәхифәләр

Чаллыда коткаручылар торак йорт түбәсеннән ике баланы төшергән