Хәвеф-хәтәр 6 октябрь 2009 20:39

Чаллыда “КамАЗ” җәяүлеләр йөри торган җир асты юл кичүенә төшеп, кешеләрне таптаткан

Октябрьның 5 көнендә республикада транспорт катнашындагы һәлакәтләрдә 11 кеше үлгән

Скопировать ссылку

(Казан, 6 октябрь, “Татар-информ”). 5 октябрь көнне 9 сәгать 40 минутта Чаллы шәһәренең Казан трактында 1952 елгы зат идарә иткән “КамАЗ” тротуарга чыгып, җәяүлеләр йөри торган җир асты юл кичүенә төшеп киткән һәм андагы 2 зур кешене, 1 баланы бәрдергән. Нәтиҗәдә, 1980 елгысы имгәнү-җәрәхәтләнүләреннән шушы урында һәлак булган, 1978 һәм 2007 елгылары, медицина ярдәме күрсәтелгәннән соң, юлларын дәвам иттергән.

Кичә булган тагын бер һәлакәтнең корбаны исә - 1934 елгы хатын-кыз. Ул Мамадышның Фатих Кәрим урамы буйлап юл читеннән 1938 елгы хатын-кыз белән барганда, шул ук юнәлештә хәрәкәт итә торган “УАЗ” аларны бәрдергән. Беренчесен бу һәлакәт шунда ук үлемгә китерсә, икенчесен - район үзәк хастаханәсенә.

Республика ЮХИДИ идарәсенең юлларда хәрәкәт иминлеген пропагандалау бүлеге, югарыда әйтелгән 2 очракта да, алдан чыгарылган нәтиҗәләр буенча, автотранспорт белән идарә итүчеләр хәрәкәт куркынычсызлыгын тәэмин итәрлек тизлек сайлый алмаган, дип хәбәр итә.

Октябрьның 5 көнендә генә дә республикада транспорт катнашындагы 108 һәлакәттә 11 кеше үлгән, 122 кеше җәрәхәтләнгән-имгәнгән.

Сәхифәләр

Чаллыда “КамАЗ” җәяүлеләр йөри торган җир асты юл кичүенә төшеп, кешеләрне таптаткан