Хәвеф-хәтәр 7 сентябрь 2018 13:44

Чаллыда көнче ир хатынына пычак белән кадаган

Әлеге пар бала тәрбияләгән, хәзер баланың яшәү урынын опека органнары билгели.

Скопировать ссылку

(Чаллы, 7 сентябрь, «Татар-информ», Эльвира Мөхәммәтдинова). Чаллыда ир-ат көнчелек аркасында хатынының муенына ике тапкыр пычак белән кадаган. Бу турыда Россия Тикшерү комитетының Татарстан буенча Тикшерү идарәсе Чаллы бүлеге җитәкчесе урынбасары Илдар Шакиров хәбәр итә.

5 сентябрьдә ГЭС бистәсендә 44 яшьлек исерек ир-ат көнчелек аркасында тавыш чыгарган. Ул кулына пычак алган һәм бергә яшәгән хатыны артыннан йөгергән. Хатын качып котылу уе белән баскыч мәйданчыгына чыккан.

Аның тавышына коридорга күршеләр һәм котырынган ир-атның әтисе чыккан. Әмма алар фаҗигане туктатып кала алмаган. Көнче ир-ат күршеләре күз алдында хатынының муенына пычак белән кадаган. Хатын шунда ук үлгән.

«Ир-ат тоткарланган, гаебен таныган, бүген җәза билгеләнәчәк», – диде Шакиров.

Әлеге пар бала тәрбияләгән, хәзер баланың яшәү урынын опека органнары билгели.

#җинаять #үтерү

Сәхифәләр

Чаллыда көнче ир хатынына пычак белән кадаган