Дин 9 июнь 2017 08:00

Чаллыда иске йола буенча христиан динен тотучылар чиркәве эшли башлады

Әлеге чиркәү 10 ел буе төзелде. Бу дини юнәлеш белән гыйбәдәт кылучылар аз булу сәбәпле аңа ярдәм итүчеләр аз иде.

Скопировать ссылку

(Чаллы, 9 июнь, "Татар-информ", "Шәһри Чаллы"). Чаллының Шамил Усманов урамында иске йолалар (старообрядчество) буенча христиан динен тотучылар өчен чиркәү ачылды. Ул Илья пәйгамбәр исемен йөртәчәк.

Иске йола буенча христиан дине тотучылар саны Чаллыда күп түгелләр, общинада 70 кеше тора.

Провослав христиан дине әһелләре иске йолалар белән баручыларны яратып бетермиләр, динне таркатучылар, дип кабул итәләр. Аларның чиркәүләрендә генә түгел гыйбадәт кылуларында да аерма бар, әйтик, провославлар өч бармак белән чукына, иске йолачылар ике бармак белән генә. Моннан тыш иске йола белән яшәүче рус халкы бары тик табигый ризыклар белән генә туклана, киемнәре озын, шәрә тән күрсәтеп йөрмиләр һ.б.

Гыйбәдәт йортын ачу бәйрәменә Казаннан һәм республикабызның башка төбәкләреннән кунаклар килгән иде.

#Шәһри Чаллы

Сәхифәләр

Чаллыда иске йола буенча христиан динен тотучылар чиркәве эшли башлады