news_header_top_970_100
16+
news_header_bot_970_100

Чаллыда исерек кыз дустына пычак кадаган

Хатын-кызлар арасында бәхәс 26нчы комплекстагы фатирларның берсендә булган.

(Казан, 10 ноябрь, «Татар-информ»). Чаллыда исерек кыз, көнләшеп, дустына пычак белән кадаган, ә аннары үзе үк табибларны чакырган. Бу хакта «Челнинские известия» хәбәр итә.

Хатын - кызлар арасында бәхәс 26нчы комплекстагы фатирларның берсендә булган. Кичке аш вакытында салмыш кызлар бәхәсләшеп киткән. Фатирның 44 яшьлек хуҗабикәсе кулына кухня пычагын алган һәм 36 яшьлек кунак хатынның корсагына чәнчегән. Шуннан соң ул табибларга шалтыраткан.

Зыян күрүчене хастаханәгә салганнар. Хатын-кызның талагына зыян килгән, хәзер ул табиблар күзәтүендә.

Һөҗүм итүчегә карата аңлы рәвештә сәламәтлеккә авыр зыян китерү турында эш кузгатылган. Аңа сигез елга кадәр колониягә хөкем ителү яный.
 

autoscroll_news_right_240_400_1
autoscroll_news_right_240_400_2
news_bot_970_100