Хәвеф-хәтәр 18 июль 2018 18:28

Чаллыда ир-ат белән үсмерләр арасындагы конфликт башланган мизгел видеога эләккән

Ир-ат балалар мәйданчыгын чүпләүче үсмерләргә кисәтү ясаган, егетләр агрессивлык күрсәткән.

Скопировать ссылку

(Казан, 18 июль, “Татар-информ”). Чаллы шәһәрендә яшәүче ир-ат белән үсмерләр арасында конфликт башлану видеосы чыкты.

Видеоязмада ир-ат белән үсмернең бер-берсенә күтәренке тавыш белән дәшеп бәйләнешүе күренә. Үсмернең дуслары аны тынычландырып кырыйга алып китәргә тырышалар.

Кичә кич Чаллыда 32 нче комплекстагы йортларның берсе ишегалдында 49 яшьлек ир-ат белән үсмерләр төркеме арасында конфликт чыгуын хәбәр иткән идек. Ир-ат балалар мәйданчыгын чүпләүче үсмерләргә кисәтү ясаган, әмма егетләр кисәтүгә агрессивлык күрсәткән.

Кыйнашудан соң ир-ат үлгән. Якыннары ир-атның йөрәгенә массаж һәм ясалма сулыш ясап, беренче ярдәм күрсәтергә тырышып караган. Бу турыда видеоязма да чыкты.

Шикләнелә торган ике үсмерне кайнар эзләр буенча токтарлаганнар.

#җинаять

Сәхифәләр

Чаллыда ир-ат белән үсмерләр арасындагы конфликт башланган мизгел видеога эләккән