Чаллыда иномарка эстакадага бәрелгән
Пассажир хатын-кыз автомобиль тәрәзәсеннән очып чыккан.
Скопировать ссылку
(Чаллы, 22 июнь, “Татар-информ”, Эльвира Мөхәметдинова). Чаллыда иномарка эстакадага килеп бәрелгән, пассажир тәрәзәдән очып чыккан, дип хәбәр итә социаль челтәрләр.
Социаль челтәрләрдә кичә Чаллы ТЭЦ тирәсендә булган коточкыч һәлакәт фотолары чыкты. “КИА” автомобиле эстакадага килеп бәрелгән.
Шаһитлар машина йөртүченең исерек булуын, әмма нык зыян күрмәвен хәбәр итә. Ир-атны җитди җәрәхәтләрдән куркынычсызлык мендәре коткарган. Ә пассажир хатын-кыз автомобиль тәрәзәсеннән очып чыккан.
Һәлакәт шаһитлары сүзләренчә, җимерелгән машинаның йөртүчесе юл-транспорт һәлакәте урыннан качып киткән. Зыян күрүчене хастаханәгә озатканнар.