Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда ике мәктәптә директорлар һәм җиде балалар бакчасында мөдирләр алышынды
Чаллы гимназияләренең берсенә Тукай районы башкарма комитеты Мәгариф идарәсенең элеккеге җитәкчесе билгеләнде.
(Чаллы, 21 июль, “Татар-информ”, Эльвира Мөхәметдинова). Чаллыда ике мәктәптә һәм җиде балалар бакчасында мөдирләр алышынды. Бу хакта “Татар-информ” мәгълүмат агентлыгына автошәһәр башкарма комитетының мәгариф һәм яшьләр эшләре идарәсе җитәкчесе Винер Харисов сөйләде.
54нче гимназия директоры Илдус Галиев лаеклы ялга китте. Мәгариф учреждениесе җитәкчесе итеп Тукай районы башкарма комитеты Мәгариф идарәсенең элеккеге җитәкчесе Рамил Исаев билгеләнде. 8нче мәктәп директоры Эльвира Крупнова үз теләге белән эштән китү турында гариза язган, аның вазифасына элек 1нче сәнгать мәктәбен җитәкләгән Лада Потапова билгеләнгән.
Харисов сүзләренчә, Чаллы балалар бакчаларында кадрлар алыштырылган. Мәктәпкәчә 5 учреждениедә мөдирләр пенсия чыкканнар.
Тагын ике балалар бакчасының җитәкчеләре рейтинг күрсәткечләре түбән булу аркасында үз вазифаларыннан киттеләр. Кадрлар 54нче һәм 29нчы балалар бакчасында алышынды.
“Бакча җитәкчеләр алмашынуы көтелми”, - диде Харисов.
Кызыклы яңалыкларны күзәтеп бару өчен Телеграм-каналга язылыгыз