Җәмгыять 3 октябрь 2014 17:48

Чаллыда Фәүзия Бәйрәмованы милләтара низаг кузгатуда гаепле дип тапканнар

Җәмәгать эшлеклесе сынау срогы белән шартлы рәвештә бер елга ирегеннән мәхрүм ителгән

Скопировать ссылку

(Казан, 3 октябрь, «Татар-информ»). Чаллы суды җәмәгать эшлеклесе Фәүзия Бәйрәмованы милләтара низаг кузгатуда гаепле дип табып (РФ Җинаять кодексының 282 нче маддәсе, 1 нче өлеше) , аңа карата хөкем карары чыгарды. Бу хакта автошәһәр прокуратурасы хәбәр итә.

Судта ачыкланганча, 2014 елның февраль аенда Бәйрәмова үзенең фатирында ноутбук ярдәмендә интернетта «Звери и жертвы», «Заявление Милли Меджлиса татарского народа по ситуации на Украине и в Крыму» дигән ике текст урнаштырган.

Экспертлар бәяләгәнчә, ул материалларда милләтара (динара) низаг кузгатуга юнәлдерелгән мәгълүматлар бар.

Суд утырышында Бәйрәмова үз гаебен танымаган. Аны бер еллык сынау срогы белән шартлы рәвештә бер елга ирегеннән мәхрүм иткәннәр.

Хөкем карары әле үз көченә кермәгән. Хөкем ителүче тиешле срокта карарга карата шикаять белдерергә хокуклы.

Сәхифәләр

Чаллыда Фәүзия Бәйрәмованы милләтара низаг кузгатуда гаепле дип тапканнар