Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда ЭкоКөз фестивале була
Биредә икенчел чималны эшкәртү технологияләре, иҗтимагый экологик оешмалар белән танышу, мастер-класслар һәм уеннар була.
(Казан, 9 сентябрь, "Татар-информ"). 14 сентябрьдә Чаллыда ЭкоКөз фестивале була. Икенчел чималны эшкәртү технологияләре, иҗтимагый экологик оешмалар белән танышу, мастер-класслар һәм балалар өчен кызыклы уеннар 12.00 сәгатьтән 16.00 сәгатькәчә Җиңү паркында үткәреләчәк. Бу турыда Татарстан Экология һәм табигать ресурслары министрлыгы матбугат хезмәте хәбәр итте.
Биредә концерт программасы, атларга, пониларга утырып йөрү һәм иппотерапия сеансы, төбәкнең экологик чиста продуктларыннан һәм осталар эшләнмәләреннән торган күргәзмә-ярминкәләр, “Изге күңелле кешеләр лигасы” хәйрия ярминкәсе, кыр кухнясы булачак.
“Фестиваль Чаллыда яшәүчеләрдә һәм яшьләрдә экологик культура һәм тормышта актив позициядә торуны булдыруга юнәлдерелгән. Табигатькә һәм әйләнә-тирә мохиткә карата сакчыл мөнәсәбәт мәсьәләләренә битараф булмаганнарның барчасын да көтеп калабыз”, – ди Татарстан Экология һәм табигать ресурслары министрлыгының Кама буе территориаль идарәсе белгече Владимир Мозаффаров.
ЭкоКөзне, Чаллы шәһәре башкарма комитетының Мәгариф һәм яшьләр эшләре идарәсенең яшьләр белән эшләү бүлеге, шулай ук Татарстан Республикасы Экология һәм табигать ресурслары министрлыгы ярдәмендә, “ЭкоРассвет” иҗтимагый экологик хәрәкәте һәм “Үсмер” үсмерләр-яшьләр клублары үзәге” муниципаль автоном учреждениесе үткәрә.
Кызыклы яңалыкларны күзәтеп бару өчен Телеграм-каналга язылыгыз