Хәвеф-хәтәр 13 гыйнвар 2020 12:44

Чаллыда өч машина катнашындагы юл һәлакәтендә бер йөртүче һәлак булган

Шәһәрдән җиде чакрым ераклыкта «Лада Ларгус» һәм «Киа» автомобильләре кара-каршы бәрелешкән.

Скопировать ссылку

(Казан, 13 гыйнвар, «Татар-информ»). Чаллы шәһәре янында өч машина катнашындагы юл һәлакәтендә бер йөртүче һәлак булган. Бу хакта «Татар-информ» агентлыгының автошәһәрдәге корреспонденты хәбәр иткән.

Аның мәгълүматлары буенча, бүген шәһәрдән якынча 7 чакрым ераклыкта Сарман ягына бара торган юлда «Лада Ларгус» каршы як полосага чыккан һәм «Киа» белән бәрелешкән.

Һәлакәттә «Ларгус» автомобиле йөртүчесе алган җәрәхәтләреннән шунда ук үлгән. «Киа» белән идарә итүче кызны хастаханәгә озатканнар.

Бәрелешкән автомобильләргә ундүртенче модельле «Лада» килеп бәрелгән. Автомобильдә утыручыларга зыян килмәгән.

#авария

Сәхифәләр

Чаллыда өч машина катнашындагы юл һәлакәтендә бер йөртүче һәлак булган