Чаллыда булган транспорт һәлакәтеннән соң машина йөртүче комада
Җиңел машина реклама конструкциясенә килеп бәрелгән булган.
Скопировать ссылку
(Казан, 10 ноябрь, «Татар-информ»). Бүген төнлә Яр Чаллы шәһәрендә булган транспорт һәлакәте турында өстәмә мәгълүматлар билгеле булды. Җиңел машина реклама тактасы баганасына килеп бәрелгән иде, дип хәбәр итә Россия Гадәттән тыш хәлләр министрлыгының ТР буенча Баш идарәсе матбугат хезмәте.
Яр Чаллы проспектында 12 нче моделле «Лада» реклама тактасы баганасына бәрелеп, нәтиҗәдә, рульдәге 25 яшьлек егет зыян күргән. Шул урынга килеп җиткән коткаручылар калҗайган машинадан егетне комада килеш алганнар. Табиблар аны Ашыгыч медицина ярдәме хастаханәсенә салган.
