Хәвеф-хәтәр 7 апрель 2019 13:10

Чаллыда боз астына төшеп киткән балыкчыны коткарганнар

Коткарылган ир-ат туңу билгеләре белән хастаханәгә салынган.

Скопировать ссылку

(Казан, 7 апрель, «Татар-информ»). Чаллыда боз астына киткән балыкчыны коткарганнар. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Кичә иртән ГЭС бистәсендәге Мәләкәс елгасында ярдан 40 метр ераклыкта 33 яшьлек ир боз астына киткән. алтынчы зона коткаручылары ирне судан чыгарган һәм ярга алып чыккан», – дип сөйләделәр Гадәттән тыш хәлләр министрлыгында.

Зыян күрүчене туңу билгеләре белән хастаханәгә салганнар. Башлангыч мәгълүматлар буенча, су объектларында кешеләр тормышын саклау кагыйдәләрен бозу һәлакәт сәбәбе булып тора.

#балыкчы #һәлакәт

Сәхифәләр

Чаллыда боз астына төшеп киткән балыкчыны коткарганнар