news_header_top
16+
news_header_bot
news_top

Чаллыда билгесез затлар автокранга ут төрткән

Янгын кичә төн уртасында 14/8нче йорт янындагы төзелеш мәйданчыгында чыккан.

(Казан, 24 июль, «Татар-информ»). Чаллыда билгесез затлар автокранга ут төрткән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

14/8нче йорт янындагы төзелеш мәйданчыгында автокран кабинасында янгын чыгуы турындагы хәбәр 112 бердәм номерына кичә төн уртасында килгән.

Урынга килгән 56нчы янгын-коткару бүлеге хезмәткәрләрен каравылчы каршы алган. Бу вакытта шул тирәдән узып баручылар утны үз көчләре белән сүндергән була инде.

Нәтиҗәдә, автокранның кабинасы янган. Янгынның мәйданы 0,5 квадрат метр тәшкил иткән.

Янгын автокранга ут төртү нәтиҗәсендә чыккан дип фаразлана.

news_right_1
news_right_2
news_bot