Чаллыда бер ир-ат кибет киштәләрен җимергән
Ир-ат кибеткә килүчеләргә качарга тәкъдим иткән һәм барысы өчен дә түләячәген әйткән
Скопировать ссылку
(Казан, 31 май, «Татар-информ»). Чаллыда үз аңында булмаган ир-атның «Пятерочка» гипермаркетында киштәләрне җимерүен видеога төшергәннәр. Видеоролик социаль челтәрләрдә чыккан.
Видеода ир-атның киштәләрне җимерүе күренә. Шул ук вакытта ул кибеткә килүчеләргә качарга тәкъдим итә һәм барысы өчен дә түләячәген әйтә.
Чаллы кешесен бу адымга барырга нәрсә мәҗбүр иткән һәм аны нинди җәза көтүе әлегә билгеле түгел.
