Хәвеф-хәтәр 3 октябрь 2019 16:23

Чаллыда бассейнда бата язган малайны ясалма комадан чыгардылар

Организмга йөкләнешне киметү өчен, бала медикаментоз йокы халәтенә кертелгән булган.

Скопировать ссылку

(Чаллы, 3 октябрь, «Татар-информ», Эльвира Мөхәммәтдинова). Чаллы бассейнында чак кына батмый калган малайны ясалма комадан чыгардылар. Бу хакта «Татар-информ»га үз чыганакларыннан билгеле булды.

Чыганак мәгълүматлары буенча, фитнес-клуб бассейнында күнегүләр вакытында җиде яшьлек малай су төбенә киткән. Ир бала су астында бер минут ярым вакыт үткәргән. Хастаханәдә бала, организмына йөкләнешне киметү өчен, ясалма кома халәтенә кертелгән.

«Хәзер баланы медикаментоз йокы халәтеннән чыгардылар, аңарда уңай динамика күзәтелә», — дип хәбәр иттеләр агентлыкка.

«Татар-информ» мәгълүмат агентлыгы элек фитнес-клуб җитәкчелеге хастаханәгә озатканда малайның аңында булуын, елаганын, әнисен чакырганын әйтүен хәбәр иткән иде.

#бала баткан

Сәхифәләр

Чаллыда бассейнда бата язган малайны ясалма комадан чыгардылар