Чаллыда автобус белән җиңел машина бәрелешкәндә яшүсмер имгәнгән
Светофорның яшел уты кабынгач, 45 яшьлек ир-ат йөрткән «НефАЗ» автобусы урыныннан кузгала һәм 52 яшьлек кеше йөрткән «тугызлы» машинасына бәрелә.
Скопировать ссылку
(Чаллы, 28 гыйнвар, «Татар-информ», Эльвира Мөхәммәтдинова). Чаллыда җиңел машина һәм автобус бәрелешкән вакытта җәмәгать транспортындагы 14 яшьлек пассажир зыян күргән. Бу хакта шәһәр автоинспекциясендә хәбәр иттеләр.
Кичә ЗЯБ бистәсендә Фоменко урамы һәм Сарман тракты киселешендәге авария була.
Светофорның рөхсәт ителгән сигналы кабынгач, 45 яшьлек ир-ат йөрткән «НефАЗ» автобусы урыныннан кузгала һәм җиңел машинага килеп бәрелә.
Һәлакәттә 14 яшьлек пассажир зыян күрә, аны «ашыгыч ярдәм» машинасында хастаханәгә илтәләр.