Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда 95 гаилә ана капиталына сертификат алды
Ана капиталын алган кешеләрнең 96% ы акчаны яшәү шартларын яхшыртуга тоткан.
(Чаллы, 22 февраль, "Татар-информ", "Шәһри Чаллы", Эльвира Гайнетдинова). Чаллының "Энергетик"мәдәният сараенда кичә тантаналы рәвештә 95 гаиләгә сертификатлар тапшырылды. Чакырылган гаиләләрне ЗАГС идарәсе җитәкчесе Равилә Зарипова һәм Пенсия фонды идарәсе җитәкчесе урынбасары Алсу Филиппова котладылар, дип яза җирле басма.
Ана капиталы тапшыру турындагы указ 2007 елның 1 нче гыйнварыннан гамәлгә кергән иде. Шушы вакыт аралыгында Чаллыда яшәүче гаиләләргә 37 меңгән артык сертификат тапшырылган, шуларның 29 меңе аны кулланган. Ана капиталын алганнар арасында 96% ы яшәү шартларын яхшыртуга тоткан.
2018 елда бала тапкан аналарга тагын берничә яңа төр программалар гамәлгә керә башлады. Шуларның берсе булып ана капиталы программасын 2021 елның 31 нче декабренә кадәр озайту тора. Шулай ук, ана капиталын мәктәпкәчә белем бирүгә юнәлдергән очракта чикләүләр алынган.
Сертификатка ия булу һәм ана капиталын тотуга гаризаны хәзер электрон рәвештә дә тапшырырга була.
Кызыклы яңалыкларны күзәтеп бару өчен Телеграм-каналга язылыгыз