Чаллыда 55 меңенче сабый туды һәм 3 меңенче яңа гаилә барлыкка килде
Шәһәрнең ЗАГС идарәсендә әлеге вакыйга ияләре булган гаиләләрне котладылар.
(Чаллы, 1 октябрь, “Татар-информ”, Эльвира Мөхәмәтдинова). Чаллыда 55000 нче сабый туды һәм 3000 нче яңа гаилә теркәлде.
Чаллының "юбиляр" сабые – Альбина һәм Илнар Ямалетдиновлар гаиләсендә туган ир бала – Эмиль. Ул – гаиләдә апасы Сәйдәдән соң, икенче бала.
Эмиль исеме латин теленнән тырыш дигәнне аңлата, шуңа да шушы сирәк исемне бирергә уйладык, дип җиткерә әти-әнисе.
Шәһәрнең ЗАГС идарәсендә тагын бер истәлекле вакыйга теркәлде – Чаллыда 3000 нче яңа гаилә барлыкка килде. Ул бәхетле пар ияләре – Гөлназ һәм Артур Вәлиевлар гаиләсе.
Идарәдә әлеге гаиләләрне тарихи вакыйга белән котладылар һәм тормышларында уңышлар юлдаш булуын теләделәр.
