Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чаллыда 290 кеше “Йөрәгеңне тикшер” акциясендә катнашты
Табиблар мөрәҗәгать итүчеләрнең 72 процентында йөрәк-кан тамырлары системасында тайпылышлар булуын билгеләп үтте.
(Чаллы, 17 декабрь, "Татар-информ", Эльвира Мөхәмәтдинова). Чаллының 3нче поликлиникасында “Йөрәгеңне тикшер” акциясендә 300ләп катнашучы булды. Бу хакта Чаллы шәһәре башкарма комитеты Сәламәтлек саклау идарәсендә хәбәр иттеләр.
“Йөрәгеңне тикшер” акциясе йөрәк-кан тамырлары авырулары профилактикасы кысаларында уза. Алты сәгать эчендә кардиологларда 290 кеше тикшерелеп чыккан. Барлык пациентларның артериаль кан басымын үлчәгәннәр, электрокардиограмма ясалган.
Табиблар мөрәҗәгать итүчеләрнең 72 процентында йөрәк-кан тамырлары системасында тайпылышлар булуын билгеләп үткән. Алар барысы да дәвалану буенча тәкъдимнәр алган. Сигез кеше стационарда ятып дәвалану өчен җибәрелгән.
Киләчәктә шундый акцияләр Чаллының башка поликлиникаларында да үткәреләчәк, дип искәртә оештыручылар.
Кызыклы яңалыкларны күзәтеп бару өчен Телеграм-каналга язылыгыз