news_header_top
16+
news_header_bot
news_top

Чаллы үзәгендә 17 яшьлек егетнең мопедына барган җирдән ут капкан

Гадәттән тыш хәл Сөмбикә һәм Вахитов проспектлары чатында килеп чыккан.

(Казан, 16 июнь, “Татар-информ”). Чаллы шәһәре үзәгендә 17 яшьлек егетнең “Ирбис” мопедына барган җирдән ут капкан. Бу хакта “Татар-информ”га Татарстан Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Мопед двигателенә Сөембикә һәм Вахитов проспектлары чатында ут капкан. 54 нче янгын сүндерү бүлеге хезмәткәрләре берничә минутта утны сүндергәннәр.

Нәтиҗәдә, мопед тулысынча янып беткән. Егет транспорт чарасы белән номерларсыз идарә иткән була.

news_right_1
news_right_2
news_bot