Чаллы янында «Лада» юл читенә төшеп киткән, ике ир-ат авыр тән җәрәхәтләре алган
Авария Чаллы - «Дизелист» бакчачылык җәмгыяте юлында килеп чыккан.
Скопировать ссылку
(Казан, 10 июнь, «Татар-информ», Павел Климчак). Бүген иртән Чаллы — «Дизелист» бакчачылык җәмгыяте юлында авария булган. «Татар-информ»ның Автокаладагы үз хәбәрчесе Валентин Кулагин агентлыкка шулай дип белдерде.
«Лада Гранта» автомобиле, идарәсен югалтып, юл читенә төшеп капланган», — дип хәбәр итте Россия Эчке эшләр министрлыгының Тукай районы буенча бүлегенең ЮХИДИ бүлеге башлыгы вазифаларын вакытлыча башкаручы Роберт Вильданов.
Фотодан күренгәнчә, җиңел автомобиль әйләнеп капланган һәм койманы аударган.
Нәтиҗәдә, машина йөртүче һәм пассажир авыр тән җәрәхәтләре алган. Бер ир-ат комада ята.
