Чаллы янында өч машина катнашындагы авариядә дүрт кеше зыян күргән
Чаллы – Сарман трассасында «Лада», Mercedes һәм Renault автомобильләре бәрелешкән.
Скопировать ссылку
(Казан, 19 июль, «Татар-информ», Павел Климчак). Кичә көндез Чаллы – Сарман трассасында өч җиңел автомобиль катнашында авария булган. Автокаладан хәбәрче Валентин Кулагин «Татар-информ»га шундый мәгълүмат җиткерде.
14нче модельле «Лада» автомобиленең йөртүчесе тиешле дистанция сайламаган һәм алдан хәрәкәт иткән Mercedes машинасына килеп бәрелгән. Шуннан соң «Лада»ны каршы як полосага алып ыргыткан, ул шунда Renault автомобиленә килеп сыланган.
Нәтиҗәдә, «Лада»ның йөртүчесе һәм ике пассажиры, шулай ук Renault автомобиленең 61 яшьлек пассажиры төрле тән җәрәхәтләре алган.
