Җәмгыять 29 гыйнвар 2017 14:35

Чаллы шәһәрендәге бәби-бокска беренче тапкыр бала калдырып киткәннәр

Сабыйның тормышына һәм сәламәтлегенә берни янамый, калган чаралар закон нигезендә башкарылачак, дип хәбәр итәләр медицина үзәгендә.

Скопировать ссылку

(Казан, 29 гыйнвар, «Татар-информ», Евгений Сироткин). Татарстанның Чаллы шәһәрендә Кама балалар медицина үзәгендәге бәби-бокс тартмасына беренче тапкыр бала ташлап китү очрагы булган.

«27 гыйнварда медицина үзәгенең бәби-боксында бала калдырып киткәннәр. Сабый тормышына һәм сәламәтлегенә берни янамый. Бу – бәби-бокс ярдәмендә баланың гомере саклап калынган беренче очрак. Медицина персоналы регламент нигезендә килешенгән тәртип буенча эш иткән. Алга таба балага карата чаралар Россия законнары кысаларында башкарылачак», – дип хәбәр иттеләр «Татар-информ» мәгълүмат агентлыгы корреспондентына медицина үзәгенең матбугат хезмәтендә.

Искәртеп үтик, бәби-бокс Чаллыда Кама балалар медицина үзәгендә 2015 елның маенда ачылган иде.

Бәби-бокс – ул медицина учреждениесе бинасының урам ягыннан ачыла торган металлопластик тәрәзәле, эчке яктан махсус карават-бишекле урын. 30 секундтан соң тәрәзә блокировкалана һәм аны тышкы яктан инде ачып булмый. Бәби-бокс янында сак та, видеокамера да юк. Медицина хезмәткәрләре бәби-бокста бала калдырылганы турында кыңгырау тавышыннан һәм лампа җемелдәп торудан беләләр.

#Чаллы #бәби-бокс

Сәхифәләр

Чаллы шәһәрендәге бәби-бокска беренче тапкыр бала калдырып киткәннәр