Чаллы шәһәре читендәге бинада янгын чыккан
Халык телендә "тарелка" дип аталган бу бинада элегрәк автоинспекция урнашкан булган.
Скопировать ссылку
(Казан, 2 май, "Татар-информ", Эльвира Мөхәммәтдинова). Чаллы шәһәрен чыкканда читтә торган, халык телендә "тарелка" дип йөртелүче бинадагы янгын видеосы социаль челтәрләрдә таралды.
Бу бинада элегрәк шәһәр автоинспекциясе урнашкан булган.
Шаһитлар әйткәнчә, бина эчендә ялкын телләре күренә, тәрәзәләрдән куе төтен чыга.
Бина эчендә йортсыз кешеләр учак яккан булуы ихтимал, дип исәпли социаль челтәр кулланучылар.
