Җәмгыять 28 декабрь 2016 01:00

Чаллы шәһәре бала таптыру буенча республикада рекорд куйды

Автокалага бала табарга Татарстанның ерак районнарыннан да киләләр.

Скопировать ссылку

(Чаллы, 28 декабрь, “Татар-информ”, “Шәһри Чаллы”). Татарстанның Кама балалар медицина үзәгендә 7 меңенче сабый туган. Ул ир бала, авырлыгы 3430 грамм һәм буе 53 сантиметр булган. Әти-әниләре әле аңа исем уйламаган һәм үзләре хакында да мәгълүмат бирергә теләми. Күз тияргә мөмкин, диләр алар. Бу хакта шәһәрнең “Шәһри Чаллы” газетасы “Татар-информ” агентлыгына хәбәр итте.

Автокалага бала табарга Татарстанның ерак районнарыннан да киләләр, чөнки биредә шартлар яхшы, табиблар тәҗрибәле. Быел гына да биредә 1500ләп хатын-кыз бала тапкан. Чаллы бала таптыру буенча узган ел рекордын кабатлады дисәк тә була: монда 2015 елда 7017 нарасый дөньяга килгән иде.

#Чаллы #Шәһри Чаллы

Сәхифәләр

Чаллы шәһәре бала таптыру буенча республикада рекорд куйды