Хәвеф-хәтәр 18 февраль 2010 22:41

Чаллы – Сарман юлындагы һәлакәт “Иж-2717” автомобилендәгеләрне “теге дөнья”га алып киткән

Шушы айда республикада кешеләр каза күргән транспорт һәлакәтләренең бу - 202 нчесе

Скопировать ссылку

(Казан, 18 февраль, “Татар-информ”). Кичә 13 сәгать 20 минутта Чаллы – Казан транспорт юлында (Тукай районы трассасында) булган һәлакәтнең корбаннары – февраль аеның 17 көнендә транспорт белән бәйле зур бәла-казаларда үлгән кешеләрнең 12 һәм 13 нчесе.

“Иж-2717” рулендәге 1982 елгы кеше, алдан чыгарылган нәтиҗә буенча, хәрәкәт иминлеген тәэмин итәрлек тизлекне арттыру һәм юлдагы метеорологик шартларны, бозлавыкны, исәпкә алмау сәбәпле, каршы як юл хәрәкәтенә чыккан һәм 1977 елгы кеше идарә иткән “ГАЗ-3034» машинасына бәрелгән. Нәтиҗәдә, “Иж-2717” машиасы рулендәге һәм аның пассажиры булган 1966 елгы ир-егет һәлакәт урынында җан биргәннәр, дип хәбәр итә республика ЮХИДИ идарәсе.

Шул рәвешле, республикада 1еннән 17 февральга кадәр кешеләр каза күргән транспорт һәлакәтләренең бу - 202 нчесе. Шушы вакыт эчендә тагын 241 кеше имгәнгән, җәрәхәтләнгән.

Сәхифәләр

Чаллы – Сарман юлындагы һәлакәт “Иж-2717” автомобилендәгеләрне “теге дөнья”га алып киткән