Чаллы рәссамнары Төркиядә халыкара арт-симпозиумда катнашты
Чаллы рәссамнары катнашкан үзенчәлекле флешмоб нәтиҗәсендә 230 сәнгать әсәре туа.
Скопировать ссылку
(Казан, 6 февраль, “Татар-информ”). Чаллы рәссамнары Төркиядә халыкара арт-симпозиумда катнашты. Бу хакта Чаллы Башкарма комитетының мәдәният идарәсеннән хәбәр иттеләр.
Төрки дөньяның икенче халыкара арт-симпозиумы Адана шәһәрендә узды. Анда 33 илдән килгән 93 рәссам катнашты. Татарстаннан Рият Мөхәмәтдинов, Сагида Сираҗиева, Хәмзә Шәрипов һәм башкалар катнашты.
Алар тарих һәм сынлы сәнгатькә багышланган өч фәнни-гамәли конференциядә катнаша.
Катнашучыларга симпозиум барышында ук картиналар язарга тәкъдим итәләр. Нәтиҗәдә, дөньяга 230 әсәр туа.