news_header_top_970_100
news_header_bot_970_100

Чаллы поликлиникасында биш пациент, уколдан соң, анафилактик шок кичергән

Медицина учреждениесе хезмәткәрләре беренче ярдәм күрсәтү нәтиҗәсендә, бу хәлнең ахыры аяныч тәмамланмаган

  (Казан, 10 сентябрь, «Татар-информ»). Чаллының 3 нче стоматология поликлиникасының хирургия бүлегендә 5 пациентка ашыгыч медицина ярдәме кирәк булган.
Автошәһәрнең сәламәтлек саклау идарәсендә, “Татар-информ” МА хәбәрчесенә белдерүләренчә, 3 хатын-кыз һәм 2 ир-ат, авыртуны сиздерми торган лидокаин уколын ясаганнан соң, анафилактик шок кичергән.

“Уколдан соң пациентларның кан басы күтәрелгән яки төшкән, кайберсенә һава җитми башлаган, тәртипләрендә үзгәреш сизелгән”, - дип белдерде идарә җитәкчесе Елена Бойко.

Аның белдерүенчә, стоматология хезмәткәрләре шунда ук беренче ярдәм күрсәткән. Хәзер стационарда кыз кеше һәм өлкән яшьтәге ир-ат табиблар күзәтүендә. Калганнары көннең беренче яртысынды өйләренә җибәрелгән. Бойко билгеләп узганча, аллергия реакциясе биргән препарат партиясе поликлиникадан алынган һәм Татарстан Республикасы дарулар сыйфатын контрольдә тоту үзәгенә экспертизага җибәрелгән.

news_right_column_1_240_400
news_right_column_2_240_400
news_bot_970_100