Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы мәчетләре каршында балаларның көндезге лагерьлары эшли башлады
Программада интеллектуаль уеннар, кулдан эшләнмәләр ясау, әхлак дәресләре, кызыклы экскурсияләр каралган.
(Чаллы, 13 июль, "Татар-информ", "Шәһри Чаллы"). Чаллы мәчетләре каршында балаларның көндезге лагерьлары эшли башлады, дип яза җирле басма.
Беренче лагерьны июль ае башында "Әбүзәр" мәчете оештырды. Анда 7 яшьтән 14 яшькә кадәрге 40 кыз бала ял итте. Лагерь программасы шактый кызыклы булды. Кызлар ризык пешерү, кул эшләре буенча күнекмәләр алдылар, басейнда йөзделәр, атта йөрделәр, бау шәһәрчегенә барып, бауларда ярыштылар. Шулай ук алар өчен дин-әхлак дәресләре дә уздырылды. Ә лагерьның соңгы көнендә ата-анадар катнашында бәйрәм үткәрелде, анда биредә ял иткән һәр балага истәлекле бүләкләр бирелде.
Хәзер "Тәүбә" мәчетендә балаларның көндезге лагере ачылды. Аңа 50 кыз һәм малай җәлеп ителгән. Алар арасында Тукай, Минзәлә , Алабуга районнары авылларыннан да килүчеләр бар. Биредә тәрбияләнүчеләр өчен иртәнге аш, аннары җиләк-җимеш ашы, көндезге аш оештырыла. Программада интеллектуаль уеннар, төрле әйберләр ясау, әхлак дәресләре, кызыклы экскурсияләр каралган. "Тәүбә" мәчетендәге лагерь 19 июльгә кадәр эшләячәк.
Шәһәрнең башка мәчетләрендә дә балалар өчен көндезге лагерьлар оештыру буенча әзерлек эшләре алып барыла.
Кызыклы яңалыкларны күзәтеп бару өчен Телеграм-каналга язылыгыз