Чаллы халкының 70 проценттан күбрәге Конституциягә үзгәрешләр кертүгә тавыш биргән

Чаллыда 173 тавыш бирү үзәге булдырылган.

Скопировать ссылку

(Казан, 1 июль, «Татар-информ», Гөлүзә Ибраһимова). Россия Конституциясенә үзгәрешләр кертү буенча тавыш бирүдә Чаллы халкының 70 проценттан күбрәге катнашкан. Бу хакта онлайн брифингта Чаллы мэры Наил Мәһдиев әйтте.

«Чаллыда 400 меңгә якын гражданин тавыш бирү хокукына ия, иртәнге сәгать тугызга 71 проценттан күбрәк кеше тавыш бирде. Шәһәрдә 173 тавыш бирү үзәге бар, анда 1637 кеше хезмәт итә. Чаллыда мобиль пунктлардан 30 автобус һәм 29 палатка булдырылды», — диде Чаллы мэры.

30 меңнән артык Чаллы гражданины мобиль пунктта тавыш биргән, 35 меңнән артыгы өйдән тавыш бирү теләген белдергән.

Наил Мәһдиев Чаллының һәрвакыт актив булуын ассызыклап үтте. «Активлык „Камаз"га нигез салынган көннән башланган һәм ул зур сәяси чаралар узганда бигрәк тә күренә», — ди ул.

#Россия конституциясенә төзәтмәләр #сайлау #Наил Мәһдиев #Чаллы

Сәхифәләр

Чаллы халкының 70 проценттан күбрәге Конституциягә үзгәрешләр кертүгә тавыш биргән