Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы байкерлары ятим балалар белән очрашты
Кунаклар балаларга клублары, мотоцикл төрләре һәм аның төзелеше турында сөйләделәр.
(Чаллы, 6 июнь, "Татар-информ", "Шәһри Чаллы"). "Бергә булдырабыз" проекты кысаларында "Асылташ" балалар йортында "Стальные монстры" мотоклубы байкерлары белән очрашу үтте, дип яза җирле басма.
Кунаклар балаларга клублары, мотоцикл төрләре һәм аның төзелеше турында сөйләделәр. Байкер тормышы белән дә таныштырдылар. Егет-кызлар спортив "Honda RR" һәм "Урал" мотоциклларын аеруча да нык ошаттылар. Байкерлар исә балаларны аларга утыртып, "Асылташ" ишегалды буенча да йөрттеләр.
–Байкерларга бик нык рәхмәтлебез. Алар балаларның күңелләрен күрделәр, аларны бәхетле иттеләр. Мондый очрашулар ешрак булыр, дип ышанабыз. "Стальные монстры" мотоклубына уңышлар һәм ак юллар телибез, – дип бүлештеләр "Асылташ" балалар йортының тәрбиячеләре. Байкерлар да киләчәктә балалар белән кабат очрашырга вәгъдә бирделәр.
Кызыклы яңалыкларны күзәтеп бару өчен Телеграм-каналга язылыгыз