Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы автобусларында билет бәясен арттырдылар
2022 елның 1 гыйнварыннан юл бәясе 2 сумга артачак.
(Казан, 22 декабрь, «Татар-информ»). ТР Тарифлар буенча дәүләт комитеты Чаллы җәмәгать транспортында йөрү өчен яңа тарифлар билгеләде. 2022 елның 1 гыйнварыннан юл бәясе 2 сумга артачак.
Әмма 100 тапкыр йөрү өчен озак файдалану билеты белән түләгәндә аның бәясе үзгәрмәячәк һәм ул узган ел дәрәҗәсендә — 20 сум булып калачак.
Ведомство мәгълүматларына караганда, яңа тарифны билгеләү турындагы гариза белән Автошәһәр башкарма комитеты мөрәҗәгать иткән. Шәһәрдә пассажирлар йөртү белән «Электротранспорт» һәм «Пассажирлар ташу» оешмалары шөгыльләнә.
Тарифны исәпләгәндә транспортка техник хезмәт күрсәтү һәм ремонтлау, лизинг түләүләре, ягулык-майлау материалларына чыгымнар, хезмәт хакы, социаль түләүләр һәм башка чыгымнар исәпкә алынган.
Элегрәк «Татар-информ» Чаллы һәм Тукай районында суга тарифлар артуын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз