Җәмгыять 11 ноябрь 2014 18:16

Чәршәмбе көнне Татарстанда яңгыр сибәләячәк, төнлә юлларда бозлавык булырга мөмкин

Синоптиклар шул хакта кисәтә

Скопировать ссылку

(Казан, 11 ноябрь, «Татар-информ»). Татарстан синоптиклары фаразынча, иртәгә республикада урыны белән күз күреме 500 метр һәм аннан да азрак тәшкил иткән томан көтелә. Моннан тыш, аязучан болытлы һава, урыны белән пыскак яңгыр, ә төнлә юлларда бозлавык булуы ихтимал.

Төнлә термометр баганасы 4 градус салкынны күрсәтсә, көндез 6 градуска кадәр җылы булачак. Республиканың көнчыгыш районнарында иң салкын һава, көньяк-көнбатышта иң җылысы булачак. Казанда төнлә 2 градуска кадәр салкын, көндез 3-5 градус җылы көтелә. Аязучан болытлы һава.

13 ноябрьгә каршы төндә республика буенча яңгыр һәм юеш кар рәвешендәге явым-төшемнәр булуы ихтимал, термометр баганасы 4 градус салкынга кадәр төшәчәк.

Сәхифәләр

Чәршәмбе көнне Татарстанда яңгыр сибәләячәк, төнлә юлларда бозлавык булырга мөмкин