Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чүпрәленең Иске Кәкерле авылында кабак бәйрәме үткәрелде
Авыл халкының, җәйге-көзге бакча эшләрен тәмамлагач, мәдәният йортында ел да көзге бал үткәрә торган гадәте бар.
(Чүпрәле, 12 ноябрь, “Татар-информ”, “Туган як”, Римма Җәлалова). Татарстанның Чүпрәле районы Иске Кәкерле авылы халкы җәйге-көзге бакча эшләрен тәмамлагач, авыл мәдәният йортында көзге бал үткәрүне традициягә әверелдерде. Бакчасында үстергән яшелчәләрдән авыл уңганнары һәр елны күргәзмә әзерли. Быел да шулай булды, диелә җирле “Туган як” газетасы.
Бәйрәм кичәсе авыл башлыгы, Татарстанның атказанган авыл хуҗалыгы хезмәткәре Сәхаутдин Хөсәенов чыгышы белән башланып китте. Мәктәп укучылары, мәдәният хезмәткәрләре тарафыннан оештырылган концерт аралаш уеннар белән үрелеп барган тамаша бик күңелле һәм кызыклы үтте. Чарада “кармак” салу, утын кисү, сүзләрне истә калдыру, яшелчәләр санау уеннары оештырылды, лотерея уйнатылды. Ә иң кызыклы өлеше исә “Кабак” конкурсы булды. Кабакның иң зурысы 40 килограмм авырлыкта иде. Конкурста катнашучыларга кичә ахырында истәлекле бүләкләр тапшырылды.
Кызыклы яңалыкларны күзәтеп бару өчен Телеграм-каналга язылыгыз