Җәмгыять 30 июнь 2018 01:00

Чүпрәлеләрне РФ Дәүләт Думасы депутаты Илдар Гыйльметдинов кабул итте

Чүпрәледә РФ Дәүләт Думасы депутаты, Татарларның федераль милли-мәдәни автономиясе Советы рәисе Илдар Гыйльметдинов булып китте.

Скопировать ссылку

(Чүпрәле, 30 июнь, "Татар-информ", "Туган як"). Бүген Чүпрәледә РФ Дәүләт Думасы депутаты, Татарларның федераль милли-мәдәни автономиясе Советы рәисе Илдар Гыйльметдинов булып китте, дип яза җирле басма.

Район башкарма комитеты җитәкчесе Марат Гафаров белән берлектә үзенең эш сәфәре барышында Илдар Гыйльметдинов район үзәгендә яңа ачылган "Алтын" спорт комплексын карады. Әлеге объектның халык, сәламәт тормыш рәвеше алып бару, яшьләрне спортка тарту өчен мөһимлеген ассызыклады.

Аннан соң, депутат "Чүпрәле" сәнәгать паркы территориясендә булды. Шулай ук, 2 номерлы "Әкият" балалар бакчасының тормышы, шартлары белән танышты, балалар белән аралашты. Аларга үз ана телләрендә нәшер ителгән методик пособиеләр бүләк итте. Шундый ук, кулланмаларны һәм картиналарны Илдар Гыйльметдинов район мәктәпләренә дә алып килгән иде.

Объектларны күзәткәннән соң, Илдар Гыйльметдинов чүпрәлеләрне шәхси кабул итте. Кабул итүгә килүчеләрнең гозерләрен контрольгә алып, сорауларына җаваплар бирде.

#Чүпрәле #Туган як

Сәхифәләр

Чүпрәлеләрне РФ Дәүләт Думасы депутаты Илдар Гыйльметдинов кабул итте