Җәмгыять 18 март 2018 15:47

Чүпрәлеләр сайлау участокларына гаиләләре белән килә

Чүпрәле районы халкы Россия Президентын сайлауда аеруча активлык күрсәтә.

Скопировать ссылку

(Чүпрәле, 18 март, "Татар-информ", "Туган як"). Чүпрәлеләр сайлау участокларына гаиләләре белән килә. Районы халкы Россия Президентын сайлауда аеруча активлык күрсәтә, дип яза район сайты.

Иске Чүпрәледән, Румия һәм Рамиль Бахитовлар сайлау участогына балаларын да алып килгән. Гаилә башлыгы әйтүенчә, район һәм ил тормышында катнашу традициясе алар гаиләсенә буыннан буынга күчкән. "Әти-әниләр һәрвакыт безне сайлауларга алып йөрүләрен бик яхшы хәтерлим. Әти исә, үз тавышыңны бирү мөһимлеген, кирәклеген безгә кечкенә вакыттан ук өйрәтте. Хәзер менә үзебез дә алар үрнәгендә, сәяси-мөһим чараларда гаиләбез белән катнашабыз. Без ике ул-илебезнең ватанпәрвәр сакчыларын тәрбиялибез һәм илебезнең көчле булуын, уңышлы үсүен телибез. Туган илебез - Россия белән горурланабыз һәм балаларыбызның шулай горурлануларын телибез",- диде әни кеше Румия Бахитова.

#чүпрәле #сайлау

Сәхифәләр

Чүпрәлеләр сайлау участокларына гаиләләре белән килә