Мәдәният 24 гыйнвар 2019 06:00

Чүпрәледә яшь шагыйрьләр бәйгесе игълан ителде

Бәйгедә катнашу өчен 1 майга кадәр туган як турында үзең иҗат иткән шигырьләрне һәм гаризаларны юлларга кирәк.

Скопировать ссылку

(Чүпрәле, 24 гыйнвар, "Татар-информ", "Туган як"). Агымдагы елның 16 маенда районда “Яратам сине, Туган ягым” дип исемләнгән яшь шагыйрьләр бәйгесе узачак. Шигырьләр 1 майга кадәр кабул ителә. Бу турыда район басмасы хәбәр итә.

Бәйгене район үзәк һәм балалар китапханәсе, мәдәният һәм мәгариф бүлеге оештыра.

Шигырь бәйгесендәге җиңүчеләр өч төрле яшь категориясе буенча билгеләнәчәк: 5 - 7 яшьлекләр, 1-4 сыйныф һәм 5-9 сыйныф укучылары.

Бәйгедә катнашу өчен 1 майга кадәр туган як турында үзең иҗат иткән шигырьләрне һәм гаризаларны район балалар китапханәсенә detbibldrz@mail.ru адресына җибәрергә кирәк. Бу хакта тулырак район үзәк һәм балалар китапханәсенә 2-26-49, 2-27-49 телефон номерлары белән шалтыратып белешә аласыз.

#Чүпрәле #Туган як

Сәхифәләр

Чүпрәледә яшь шагыйрьләр бәйгесе игълан ителде