Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чүпрәледә техниканы кышкы саклауга куйдылар
Техниканың бүгенге торышын тикшерү максатыннан районда махсус комиссия эшләде.
(Чүпрәле, 21 ноябрь, "Татар-информ", "Туган як"). Кыр эшләре тәмамланып кышка керер алдыннан барлык хуҗалыкларда да техниканы саклауга куялар, машина - трактор паркларында тәртип урнаштыралар һәм киләсе язда басуга чыгачак агрегатларны график нигезендә төзекләндерү эшләре башлана. Тырмалар, чәчкечләр һәм башка агрегатлар да алдан билгеләнгән график буенча төзекләндерү өчен чиратка куела, дип яза җирел басма.
Техниканың бүгенге торышын тикшерү максатыннан районда махсус комиссия эшләде. Аның составында Татарстан Республикасының "Гостехнадзор" идарәсе вәкилләре, район агроидарәсе белгечләре һәм урыннардагы инженер - техник хезмәткәрләре бар иде. Комиссия хуҗалыкларның һәм агрофирма филиалларының машина – трактор паркларында булып техниканың саклауга куелышын, дефектовка үткәрүне, хезмәтне саклауның торышын һәм көзге - кышкы авыл чорда хуҗалыгы машиналарын төзекләндерү өчен нинди эш шартлары тудырылуын карады. Барлык паркларда да ашлык суктыру һәм терлек азыгы әзерләү комбайннарының кыйммәтле узеллары, механизмнары һәм ременьнәре алынган, агрегатлар полиэтилен белән капланган һәм тәгәрмәчләре агартылган.
Чүпрәле районы буенча "Гостехнадзор" бүлеге начальнигы, баш дәүләт инженер – инспекторы Илдар Шәйхаттаровның әйтүенә караганда, хуҗалыкларның күпчелеге техниканы кышкы саклауга кую эшләрен кыска срокта тәмамлаган. Басулардагы кагатларда чөгендер булганлыктан, кайбер техника әле дә булса эшләп тора. Аерым хуҗалыклар бөртекле ашлык һәм терлек азыгы әзерләүдә эшләүче бик кыйммәтле комбайннарны ангарларда һәм ябык түбә астында саклап дөрес эшлиләр. Тикшерү нәтиҗәләре буенча республиканың баш дәүләт инспекторы Радик Зиатдинов җитәкләгән комиссия "Ак Барс – Чүпрәле" һәм җаваплылыгы чикләнгән "Цильна" җәмгыяте механизаторлары һәм инженер – техник хезмәткәрләбре эшенә иң югары баллар куйды. П. В. Дементьев агрофирмасы, җаваплылыгы чикләнгән "Эталон Агро" җәмгыяте һәм "Низамов А. А." крестьян - фермер хуҗалыгы игенчеләренең тырышлыклары да уңай билгеләп үтелде, диелгән район хәбәрендә.
Кызыклы яңалыкларны күзәтеп бару өчен Телеграм-каналга язылыгыз