Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чүпрәледә штраф түләмәүче 89 шоферга беркетмә төзелгән
Шуларның 9ы мәҗбүри эшкә тартылды, икесе 15 тәүлеккә кадәр төрмәгә утыртылды.
(Чүпрәле, 28 май, "Татар-информ", "Туган як"). Быелның дүрт аенда юл хәрәкәте кагыйдәләрен бозган өчен штраф акчасын вакытында түләмәгән 89 шоферга карата административ материал төзелде һәм төрле җәзага тартылды, дип яза район газетасы.
Шуларның 9ы мәҗбүри эшкә тартылды, икесе 15 тәүлеккә кадәр төрмәгә утыртылды. Штрафлар белән шаярырга ярамый, суд тарафыннан билгеләнгән бурычны вакытында түләмәгән кешеләрне җитди җәза көтә. Андыйларны заманча компьютер техникасы белән эш итүче автоинспекторлар бик тиз эзләп таба һәм аларны тагын да катырак җаваплылыкка тартачаклар.
"Закон белән шаяру хокукы берәүгә дә бирелмәгән, аннан читләшеп калучылар да әлегә очраганы юк",- ди ЮХИДИ бүлекчәсе начальнигы, полиция майоры Анатолий Михайлов.
Кызыклы яңалыкларны күзәтеп бару өчен Телеграм-каналга язылыгыз