Җәмгыять 19 декабрь 2018 04:00

Чүпрәледә көзге чакырылышта 48 егетне армия сафларына озаттылар

Армиягә белгечләр кирәк, шунлыктан хәрби – исәп белгечлекләре буенча әзерләнгән, югары һәм урта һөнәри белемле гражданнарга игътибар күбрәк бирелә.

Скопировать ссылку

(Чүпрәле, 19 декабрь, "Татар-информ", "Туган як", Рәшит Фәтхуллов). 1 октябрьдән башланган көзге чакырылыш чорында 48 егетне армия сафларына озаттылар. Бу турыда җирле басма хәбәр итә.

“Чакыру оешкан төстә үтте, план уңышлы үтәлде. Иртә таңнан торып китүгә дә карамастан, озату урынына соңга калып килүчеләр булмады. Авыл җирлекләре башлыклары да бу эшкә бик җаваплы карадылар. Башкача мөмкин дә түгел. Хәрби хезмәт белән шаярырга хакыбыз юк”,- ди район башкарма комитеты җитәкчесе урынбасары Айрат Җәлалов.

Буа һәм Чүпрәле районнары буенча хәрби комиссариат вәкиле Нуршат Салихова да көзге чакырылыш турында үз фикерләрен әйтә. “Әлеге чакырылыш үзеннән алдагылардан аерылмады. Гаскәрләргә яшьләрдән тулыландыру җибәрүне сыйфатлы тәэмин итү төп бурычларның берсе булып калды", - диде ул.

Ватанны сакларга барырга тиешле егетләрнең сәламәтлегенә аерым басым ясала. Армиягә белгечләр кирәк, шунлыктан хәрби – исәп белгечлекләре буенча әзерләнгән, югары һәм урта һөнәри белемле гражданнарга игътибар күбрәк бирелә.

Элекке еллардагы кебек, хезмәт итәргә җибәрелүчеләрнең барысы да бүләккә кәрәзле телефон алды.

#Чүпрәле #Туган як

Сәхифәләр

Чүпрәледә көзге чакырылышта 48 егетне армия сафларына озаттылар