Җәмгыять 17 март 2018 07:00

Чүпрәледә игелекле ярминкә үтте

Ярминкә Иске Ишле авылында яшәүче Раниль Мөхәммәтҗановка ярдәм итү йөзеннән оештырылды.

Скопировать ссылку

(Чүпрәле, 17 март, "Татар-информ", "Туган як"). Язгы игелек атнасы кысаларында Чүпрәле районы мәдәният йортында "Игелекле ярминкә" үткәрелде. Ярминкә Иске Ишле авылында яшәүче Раниль Мөхәммәтҗановка ярдәм итү йөзеннән оештырылды.

Исегезгә төшерәбез, үткән ел Раниль әти-әнисенә булышу йөзеннән мунча мичен кабызганда бик каты пешкән иде. Мәскәүдәге пешү үзәгендә табиблар аңа берничә катлаулы операция ясадылар. Әмма Ранильга тулысынча тернәкләнү өчен тагын операция һәм дәвалау процедуралары узарга кирәк. Мөхәммәтҗановлар ишле гаилә. Раниль өчен кирәк булган барлык чыгымнарны да үзләре генә җиңеп чыга алмыйлар.

"Игелекле ярминкә" дә чүпрәлеләр, физик мөмкинлекләре чикләнгән балалар, олылар, мәктәп укучылары тарафыннан әзерләнгән оекбаш, бияләй кебек кул эшләре, сувенирлар сатып алдылар. Җыелган акчалар Мөхәммәтҗановларның хәлен әз генә булса да җиңеләйтер дип ышанып калабыз, Ранильга исәнлек телибез.

#Чүпрәле #Туган як

Сәхифәләр

Чүпрәледә игелекле ярминкә үтте