Спорт 3 ноябрь 2017 01:00

Чүпрәле йөзүчеләре көчлеләр сафында

Ярыш нәтиҗәләре буенча районыбыз командасы беренче унлыкка керде.

Скопировать ссылку

(Чүпрәле, 3 ноябрь, "Татар-информ", "Туган як", Рәшит Фәтхуллов). Татарстан Республикасы буенча Россия Пенсионерлар Союзының региональ бүлекчәсе 1 ноябрь көнне башкалабыз Казан шәһәрендәге су төрләре буенча спорт Сараенда республикабыз өлкәннәре арасында ярышлар үткәрде,. Анда республиканың һәр муниципаль районыннан беренче этапта җиңү яулаган иң оста йөзүчеләр көч сынашты, дип яза җирле басма.

Чүпрәле районы данын Римма Нәфиева һәм Җәүдәт Хәмдиев яклады. Спортчылар шәхси һәм катнаш эстафетада ирекле стиль буенча 25 метрлы дистанциядә ярыштылар. Пенсионерлар Союзының җирле бүлекчәсе җитәкчесе Дамир Алимов әйтүенчә, ул көнне спорт Сараенда бәйрәм тантана итте. 49 команда составында килгән йөзүчеләр үзләренең физик әзерлекләрен, спорт азартын һәм җиңүгә омтылышларын күрсәттеләр.

Ярыш нәтиҗәләре буенча районыбыз командасы беренче унлыкка керде. Йөзүчеләребезне ихлас күңелдән котлыйбыз һәм киләчәктә дә яңа җиңүләр телибез. Шуны да искәртим, 2015 елда әлеге Спорт сраенда су төрләре буенча дөнья чемпионаты узган иде.

#Чүпрәле #Туган як

Сәхифәләр

Чүпрәле йөзүчеләре көчлеләр сафында