Җәмгыять 6 март 2017 23:00

Чүпрәле укытучысы Ульяновск шәһәрендә IV төбәкара съезд эшендә катнашты

Җәләлова Энҗе Әхмәт кызы татар телен укытуда заманча технологияләрне кулланып мастер-класс күрсәтте.

Скопировать ссылку

(Чүпрәле, 7 март, "Татар-информ", "Туган як"). Ульяновск өлкәсендә татар теле һәм әдәбияты укытучыларының һәм түгәрәк, факультатив җитәкчеләренең IV төбәкара съезды узды.

Съезд эшендә "Иске Чүпрәле беренче урта гомуми белем бирү мәктәбе"нең татар теле һәм әдәбияты укытучысы, Бөтенроссия «Туган тел» мастер-класс бәйгесе җиңүчесе буларак Җәләлова Энҗе Әхмәт кызы татар телен укытуда заманча технологияләрне кулланып мастер-класс күрсәтте.

Ульяновск өлкәсе татар милли-мәдәни автономиясенең Башкарма комитеты президиумы Җәләлова Энҗе Әхмәт кызына милли мәгарифне үстерүгә, төбәктәге татар теле, әдәбияты укытучыларының белемен камилләштерүгә керткән олуг хезмәтләре өчен рәхмәт хаты тапшырды.

#Чүпрәле #Туган як

Сәхифәләр

Чүпрәле укытучысы Ульяновск шәһәрендә IV төбәкара съезд эшендә катнашты